Plantun de Prouvènço

Pèr coumpara dos planto d'encò nostre

Bellis sylvestris & Euonymus europaeus

Bellis sylvestris

Asteraceae Compositae

Noms en français : Pâquerette d'Automne, Pâquerette des bois.

Descripcioun :
Aquelo margarideto sèmblo proun à Bellis perennis, mai èi mai grosso dins tóuti si partido. Li fueio, proun peludo e ounte poudèn ié vèire 3 costo, soun mai grosso, li flour coumpausado mai grando e lou rizomo pu founs.

Usanço :
Poudèn pensa que l'usanço èi la meme qu'aquelo de la margarideto.

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bellis
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Bellis sylvestris Cirillo, 1792

Bounet-de-capelan

Euonymus europaeus

Celastraceae

Àutri noum : Fusan, Coulougnet, Grano-pesoulino.

Noms en français : Fusain, Fusain d'Europe.

Descripcioun :
Lou bounet-de-capelan es un aubret que trachis dins li relarg fres e proche d'aigo. Fai de fueio longo de 2 à 10 cm e de pichòti flour en crous de 6 à 10 mm. Mai se recounèis subretout emé si fru que sèmblon li bounet que pourtien, à passa tèms, li capelan. Aquéli soun roso e quàsi redoun sus lou dessubre e caupon 4 grano. Coumpara emé lou bounet-de-capelan-di-làrgi-fueio qu'èi pentamèro.

Usanço :
Couneissèn pas d'usanço particuliero en Prouvènço pèr aquelo planto. Pamens se saup qu'es emé soun bos cabounisa que se fai lou fusan pèr lou dessin. Dins d'ùni relarg se servien di fru pèr tencha en rouge.